المساعد الشخصي الرقمي

مشاهدة النسخة كاملة : مكتبة الشاعر حاتم حسن الدابي


alshatrabi
06-24-2011, 05:10 PM
خيالى ليس واسعاً وقصائدى كلها واقعية وقصص حقيقية
(ساري الليل) فتحت باب الانتشار والقرير هي ملهمتي الأولى
عبر العديد من الكلمات المحمولة على أجنحة المفردة الأنيقة والكلمة الرقيقة استطاع الشاعر المرهف أبن الشاعر المجيد حاتم حسن الدابي أن يغوص في اعمق أعماق المجتمع ليثبت أن الشعر مثله مثل مبضع الجراح يستطيع أن يطرق موضع الألم وأنه يمكن كذلك أن يشخص الداء ويصف الدواء للعديد من المشكلات الإجتماعية فعالج الإغتراب عبر (لسان الحال)وعبر مسيرة شعرية طويلة كتب حاتم الشعر العاطفي والوطني والإجتماعي وظل مرة بعد أخرى يقدم الجديد والمتميز ،ونحن اليوم في سياحة في وجدان شاعر مبدع ومجيد ومحاولة للغوص في دوخله بحثاً عن الأصداف التي تهب الناس كل هذه اللأليء من الشعر الجميل من ابناء القرير ويقول حاتم عن القرير
القرير منطقة خضراء ساحرة ومنذ أن نشأنا وجدنا ابائنا واجدادنا أهل شعر ، وحتى كلامهم مع بعضهم البعض كان شعراً ، لذلك انا اعتقد ان الشعر في تركيب جينات اهل القرير وبالتالي هو موروث إلى أن يرث الله الارض ومن عليها ، وفي منطقة القرير منذ النشأة وجدنا ليالي السمر التي تضم كبار الشعراء ووجدنا انفسنا وسط فطاحلة فهناك الوالد حسن الدابي وإلى جانبه محمد سعيد دفع الله والسر عثمان الطيب وسيد أحمد عبد الحميد ومحمد سيد أحمد شبرين وجميع من قدم لأغنية الطمبور تجده معك طوال اليوم ·
نقترب أكثر من حاتم ونود أن نتحدث عن الأسرة أسرة الشاعر حسن الدابي لنلقي عليها نظرة عن قرب؟!
الأسرة شاعرة كما هو معلوم للجميع بداية بالوالد عليه رحمة الله ونحن نكتب الشعر أولاداً وبناتاً ويستثنى من الأسرة الوالدة عليها رحمة الله ؛ وأصغر أبناء حسن الدابي صديق هو الذي كتب قصيدة (أجمل الحلوين وين عهودك وين) وهذه القصيدة وجدت (راو) كبير جداً وكما اخبرتك نحن منذ الصغر وجدنا كبار فناني وشعراء الطمبور يرتادون المنزل الذي كان عبارة عن خلية من الشعراء تجد خضر محمود وعبد الله محمد خير ومن الفنانين تجد النعام آدم ومحمد كرم الله ومحمد جبارة وعثمان اليمني وصديق أحمد وحتى فناني الجيل الحديث ومن بينهم عبد القيوم الشريف ، كل الذين ذكرتهم لك كانت لهم صولات وجولات قي بيتنا ، وانا كنت أكثر من يحفظ شعر الوالد وعندما تكون هنالك جلسة ويقول الوالد أحدى قصائده وينسى شيئاً منها أقوم بتذكيره وأتم الناقص·
متى أكتشفت نفسك كشاعر ؟!
لا استطيع أن احدد بدقة متى أكتشفت نفسي كشاعر ولكن هنالك إشارة مهمة يمكن أن تكون مفيدة في هذا الصدد فأبني الكبير مبارك بدأ يكتب الشعر وواحدة من بناتي (تديها) كلمة (تجيب) كلمة مشابهة وبدايتي كانت مثلهم ، مثلاً تكون هنالك قصيدة أو أغنية موجودة في الساحة اتغنى وادندن بها ثم أضيف إليها بيت أو بيتين من عندي لخدمة أغراضي بعد ذلك تتأثربأشياء من حولك وتحاول أن تكتب ·
من هو او ماهو الملهم الأول بالنسبة لك ؟!
الملهم الأول القرير ومنطقة القلعة تحديداً ولا استطبع أن اذكر بالضبط البداية وإن لم تخرج من اطار وصف الطبيعة ومحاسن القرير هذا بالإضافة لما ذكرته لك من إضافة لبعض القصائد والأغاني المعروفة ·

alshatrabi
06-24-2011, 05:11 PM
والأغاني المعروفة ·
أول قصيدة بكائية وأول أغنية معالجة لقضية إجتماعية
متى أحسست بأنك لفتّ نظر الناس لما تكتبه وماهي أول قصيدة لك اصبحت أغنية ؟!
لفت النظر كان عندما كنا طلاباً في مدرسة كريمة الثانوية خرجنا في مظهرات أشترك فيها طلاب مدرسة كريمة الصناعية وحدث ضرب نار من الشرطة وتوفي 5 او 6 طلاب ، كانت هذه الأحداث حوالي عام 1982م ، كتبت قصيدة لم تكن الأولى لكنها لفتت النظر لحاتم كشاعر كانت القصيدة بكائية في رثاء طالبين احدهم اسمه كمال والثاني مجتبى ، أما أول قصيدة غنائية فكانت بعنوان (يامحمد نصيبك أبى) ومحمد هذا أبن عمتنا وكان يحب أبنة عمتنا وهو حب (ناس زمان) وكان الكل يعلم بقصته لكنه لم يتحدث معها مباشرة ولم يصارحها بحبه لها وكان يعمل في هيئة المياه الريفية بدنقلا فأرسل لها من هناك ليفاتحها في الموضوع فكان ردها له بقصته لكنه لم يتحدث معها مباشرة ولم يصارحها بحبه لها وكان يعمل في هيئة المياه الريفية بدنقلا فأرسل لها من هناك ليفاتحها في الموضوع فكان ردها له أنا بعتبرك زي أخوي) وهذه كانت ضربة قوية بالنسبة له ونقل للمستشفى حيث قضى بها 15 يوماً ورأيت أنه لابد من مواساته فكتبت :
يامحمد نصيبك أبى ··· قسمتها شالا غيرك والله ليك كتبا
وقد تغنى بالأغنية عبد المنعم الفارس ثم تغنى بها بعد ذلك عبد القيوم الشريف ·
وأرى أن المعالجة لقصيدة محمد معالجة لقضية إجتماعية تناولت كل الأبعاد وليست قضية شخصية ·
الشعر القصصي قديم والإعلام بدأ يلتفت إليه مؤخراً
ماذا عن الشعر القصصي في الأغنية الشايقية إن جاز التعبير ؟!
الشعر القصصي ليس جديداً ولكن ربما لم يستمع البعض كثيراً للغناء القديم مثلاً الفنان عثمان اليمني له أغنية بعنوان (خليتني نا لي منو ؟) وهي تحكي قصة فتاة فاتها قطار الزواج ويقول مطلعها
كل اخواتي ازوّجن وبدري ساقوهن سافرن
ناس خديجة وأم الحسن إلاّ نا الصابني المحن
كان نضم قالوا بنات زمن وكان سكتّ الموت والكفن
بعد ذلك جاء السر عثمان الطيب وكتب (بت البلد) ثم جاءت (أمونة بت الشيخ حمد) لنجم الدين الكرفابي ، والفرق الآن أن الإعلام أصبح مسلطاً بشكل أكبر مما مضى وقديماً لم يكن يعطي لاغنية الطمبور حقها والآن أصبح أكثر قناعة بأن الشعر إذا لم يتناول قضية أو لم يتضمن موعظة حسنة أو حكمة فلا فائدة منه ·
أعترفت بأن قصيدة (الرواسي) سياسية بحتة
خيالي ليس واسعاً وقصائدي كلها واقعية وقصص حقيقية
ماهو سر الحشد الكبير من الاسماء التي نجدها في شعرك (عوض ياساري الليل) ، (مابتشوف ود عبد الحميد) ، (يامحمد نصيبك أبى) ، (حاج الماحي قال) وغيرها الكثير والكثير ؟!
السر هو الواقعية ، أنا خيالي ليس واسعاً وشعري كله من الواقع ، تأتي القضية واستمد الأشياء من حولي ؛ لسان الحال (مافي) مربع بيوت يخلو من مغترب ، في قضية مرام كنت مهتم جداً ذهبت لأهلها في المنزل وتابعت جلسات القضية حضرت أكثر من ثلاث جلسات ، لأنني أعلم تمام أن أي شيء غلط يحسب علي ، فالأسماء سببها الواقع أنا لا أعرف الرمزيات مطلقاً ولا أي شيء مدسوس ، عندما سألوني عن الرواسي ألا ترى أن فيها (ريحة) سياسة قلت لهم هي سياسية بحتة فأنا لا أعرف التغليف ، وهذا يجب أن يكون ديدن الشاعر لأنه لسان حال ويجب أن يجسد الواقع ، وحتى في الحديث الواقعي إذا أردت أن أقول أن حسن (تصرفاتو غلط) لا داعي أن أقول (في زول تصرفاتو غلط) لأنني بذلك أكون أخفيت الحقيقة لابد من المواجهة الواقعية ؛ هنالك أشياء كثيرة يود الناس مناقشتها لكن يخشون أن يكونوا في الواجهة ولكن لابد من المواجهة والتحمل ·
الثقافة الدينية لها اثرها والمفردة لا تورث
تحدثت عن الجينات الوراثية ودورها في توارث الشعر فهل من الضروري أن يكون شعر الابن بجودة ومتانة شعر الوالد وبنفس مواصفاته ؟!
المفردة لاتورث لكن الموهبة قد تكون في الجينات الوراثية وبعد ذلك يأتي الإبداع على حسب مؤهلاتك وثقافتك الدينية والاجتماعية وهذه تكوّن المادة التي تتناولها ، وعندنا (حاجة افتكرهي الخلت الزول) يتقدم ويكون له رأي وصوت في الشعر وهي قراءة القرآن فنحن درسنا القرآن في خلوة شيخنا العوض ودمدني ، والدنا حفظ القرآن لكنه لم يقم بالإعادة وهناك في الخلوة نظامين معروفين للدارس هما (الطلعة) وتبدأ من سورة الفاتحة إلى سورة البقرة وهذه عملها الوالد وهناك (العودة) من البقرة إلى الفاتحة ، ولما أرادوا نقلي من الخلوة للمدرسة كنت في سورة النمل وأبني الكبير مبارك عندما نقلته من الخلوة كان في سورة النساء ومحمد كان في سورة الجن ، سقت هذا لأقول ان القرآن يقوي المفردة والفهم وأي شاعر تجد شعره رصين لابد أن يكون قرأ القرآن ·

alshatrabi
06-24-2011, 05:21 PM
(ساري الليل) فتحت الباب أمام بقية الأشعار
(لسان الحال) جلابية سوق كل من وجدها على مقاسه لبسها
ننتقل إلى القصيدة التي تعتبر علامة فارقة وفتحاً جديداً لاغنية الطمبور وهي اغنية (لسان الحال) حدثنا عنها ؛ وهل كنت تتوقع لها أن تجد كل هذه الأصداء ؟!
قبل لسان الحال هنالك قصيدة أعتبرها هي المفتاح وهي أغنية (ساري الليل) : ماشفت عوض تابع النجمات فات لي قدّام ياساري الليل وهذه القصيدة عبارة عن قصة واقعية وموضوع حاصل ، أما (لسان الحال) فوجدت صدى لأنه ليس هنالك بيت سوداني يخلو من مغترب وفي أحيان كثيرة يطفح الكيل بالزوجة ؛ والنساء عندنا في السودان صبورات (مازي نسوان الدول الثانية) ، والقصيدة كتبتها عن شخصية معينة ثم أصبحت من بعد ذلك (جلابية سوق) أي واحدة تلبسها وقد فوجئت بأكثر من 20 أمرأة تقول لي نقره لعرض الصورة في صفحة مستقلةالوراك قصتي منو ياخي أنت شلت حالي) واحكي لك قصتين الأولى عندما كنت في عربة أمجاد متحركة من الشهداء وكان في العربة شريط لسان الحال فإذا بأمرأة معنا ومعها طفل تبكي بكاء شديداً حتى أوقف السائق العربة وسألها عن سبب بكائها فطلبت منه أن يعطيها الشريط وقالت له أن الولد الذي معها تركه زوجها في بطنها وسافر ولم يعد ، فأنت هنا حركت مشاعر إنسان تجاه شيء لم يستطع أن يعبر عنه ، والقصة الثانية عندما تمت دعوتنا أنا وجعفر السقيد من قبل أسرة في الصحافة مربع 20 وتم الاحتفال بنا وتكريمنا وأخبرنا الزوج أنه كان مغترباً في إحدى دول الخليج لثمانية أعوام ولما سمع الأغنية عاد على وجه السرعة وقالت له زوجته الناس الجابوك لينا ديل لازم نكرمهم) من هذا المنطلق أنت تحس أنك قدمت خدمة للناس وللمجتمع ·
حاتم حسن الدابي في سطور
حاتم حسن محمد بخيت الدابي
من مواليد 11\7\1961م بمنطقة القرير مركز مروي
تدرج في مراحل التعليم فدرس الإبتدائية والمتوسطة والثانوية (المساق الصناعي) ثم نال دبلوم الناضجين من جامعة السودان للعلوم والتكنولوجيا
متزوج وأب لولدين وثلاث بنات
له العديد من الأعمال الشعرية والغنائية التي تبلغ حوالي ال300 قصيدة
عمل مهندساً بهيئة توفير المياه الريفية بالخرطوم
نُقل إلى منطقة أم كدادة وتجول في كل محافظات دارفور وعمل مع المنظمات التي تعمل في مجال المياه ثم ترك العمل عام 1995م
عمل مع الشركة الصينية للمياه والكهرباء في تقويم مشاريع الإعاشة بنوري والقرير والكلد والغابة
له مشاركات واسعة في المناشط الفنية والثقافية وليالي روابط الطلاب بالجامعات والمعاهد العليا بالعاصمة والولايات
أصدر مجموعته الشعرية الأولى (هموم الناس) عام 1996م
تغنى بأغنياته كبار فناني الطمبور وغيرهم

alshatrabi
06-24-2011, 05:22 PM
لسان الحال

معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
**********

الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب

اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب

قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب

فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب

سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب

والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب

لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب

البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب

الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب

وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب

حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب

خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب

وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب

أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقة بكـــــــــــــرة أنا السبب


ما كنت دايــــرة اقولو ليك .. لكن لسان الحال غلب

alshatrabi
06-24-2011, 05:23 PM
لسان الحال

معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
**********

الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب

اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب

قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب

فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب

سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب

والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب

لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب

البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب

الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب

وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب

حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب

خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب

وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب

أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقة بكـــــــــــــرة أنا السبب


ما كنت دايــــرة اقولو ليك .. لكن لسان الحال غلب

alshatrabi
06-24-2011, 05:25 PM
قدر الله ما اده الجمال

قدر الله ما ادى الجـــمال اداكــــى لامــــن قتى بس
حد حواء ما جابت سماح مايسوى من حسـنك قبـــس
عاجبنى وصفك يـــــــالفلو الامـــاتو سر حنبو التبــس
وقفن وراء وقـدام غفـــــر خايـــفات وداساتنـــــو دس
يتلفتــن ويشرفن كــان ذل فى القدلة صياد قــنـــص
طلعة وشيك ذى الصباح الدابو خته وشال نــفــس
شـع وبهـر كشف الظلام لا صر لا فى يـوم عبٍٍٍـتس
الحكمة بين صبحا شرق وليلا مـــــن الظلمــات دمــــــس
لا تعــاقبن لا تفــــارقن لا ازدواج بينن حدث
عندك خديد تفاح عديل لا ايد تطولو ولا اتلمس
و الرشمة فيهو كما الفراش القبل الزهرة وهمس
اهواكى انا واهوى الرحيق المـــن ثناياكـــى انبعث
وفى فاهو ريق يحرق حريق مسخ طعيمو عجو المحس
عندك عيون تقسى وتهون قطعت رميشاتن مجس
فيهن سوا علة ودواء وصفات الحاظن زاتو مس
عودك لدن وكتين يميل يشبه فريع البان رخس
كان جه النسيم ما بستقيم يرقص معاهو ويتعدل لو كان كرس

alshatrabi
06-24-2011, 05:25 PM
ماراعت شعورك

مادام هي لا راعت شعورك ولا ضميرة هي استحه
انساها والبكا مابيفيد قشقش دموعك وامسحه
***
كلمني شن وداك قبيل تفرد مشاعرك تفضحة
خليتا حي السوق رياض يانعة وزهورة مفتحة
طولت ايدك لي قطوف زهرة وغميصة مسارحة
زي ماهي عاشقي الاغتراب برضو انت عاشق ملمحة
***
صح كت يامسكين زمان دايما تشكرة تمدحة
مابترضى لو كان بالغلط بي كلمة انسان يجرحة
ما قتا فوق كل البنات تسرق محاسنة تشرحة
كانت عواطف انسان ضعيف ساكت جناحي مجنحة
***
انشاء الله منها تتعظ وتكون خطاك تتوشحة
كانت حساباتك غلط في القسمة والضرب اتمحة
اتأنى في جبر الكسور براحة اجمعة واطرحة
واخر شي كان تعرف براك حتى الغرام بقا مصلحة
***
بت حوة يا مظلوم بقت للمال عقولة ملقحة
يا ريت عقول الناس بعد ما تحب تخش المشرحة
يقروا اللي كان مافي القلوب كيف الشرايين تنضحة
ويتراجع النطقو اللسان صح ولا زي ضل الضحة
***
مغرورة ما دارت سكون بلدا شقاوة ودردحة
لا تمشي تنزل بي تحت لا حتا ارضك تنقحة
لابوقة لا موية شراب لا واطة ماها مصلحة
لا شلت للمحرات سطور لا شتلة ماها مصفحة
***
كانت قبيل طمعاني فيك فارس جيوبو متمسحة
دايراك يوم جيت للعرس نار الله في الناس تقدحة
الشيلة بالشنط الكبار مبطوحة راقدي مبطحة
دي الحلي والناس جات تشوف راجين متين تجي تفتحة
كان بالة في شهر العسل طول الزمن ما يبرحة
تسكن معاك في بيت كبير موكيت وحيطو مسلحة
عربيتك الملك الحلال جلد النمر والملفحة
بوتوجاز مولع وديب فريزر واب ريموت والمروحة
***
تسرق مناها قبل يتم كل المشاعر تجرحة
يا جعفر الحياة مدرسة دايما مقررة في الصحة
ممكن نعينك في الدروس لو انت غلبك تشرحة
واعرف بانو اول درس الزول بياكل الملحة

alshatrabi
06-24-2011, 05:26 PM
الرواسي

بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

alshatrabi
06-24-2011, 05:27 PM
يا عيون ابكي دمع الدم

الزمان بي عذابي حكم
تراني بقوقي ( بغني ) واترنم
اجرو مع الخيال النم
على الامي زدت الم
مضروب من عيونو سهم
دقيت بابو قالي نعم
غلبني معاهو اتكلم
قال بي مطلبك بهتم
قلتلوا ياخي جود وارحم
لو في بيتو يتبسم
عبيرو يفوح بعيد ينشم
طريحة وبيها يتبلم
اظنو على هلاكي عزم
قاسي قليبو ما بيرحم
حديد ما من لحم او دم
مر علي ما سلم
منو وليهو بتظلم

alshatrabi
06-24-2011, 05:28 PM
البرتكان تقليد صفاره

يا خلايق لي جاره البرتكان تقليد صفاره
فرهدت في عز عماره ما بجيبو حرام خباره
حابكة بالمليون تجاره نهار وليل قاعدين حياره
سيدا قال ليهم صغاره ما استوت دفيق ثماره
مرة ليها مشيت زياره عاكسوني أهل الغفاره
قالوا زي شوفتك خساره يا خي سيبنا بلا عواره
في الفؤاد موقودة ناره وقلبي مجروح بي حساره
زاد شراييني انفجاره إلا وقفت لي الجباره
رحت استفسر كباره هدوني قالوا غراق بحاره
العقلة فايتي من الحدارة والخدود زاد ازدهاره
جبينة يشهد بالنضارة عبيرها منو الناس سكارى
تبتسم يغريك هزاره رموش عيونا أخد حذاره
شوفو عقليتي وجساره بقت تجيد لحن العذارى
لو تعود تسكن دياره بودي للفقرا المزارة
ما لقيت لي طريق بصاره دابة روحي قرب وداره

alshatrabi
06-24-2011, 05:28 PM
قوات الهجيــــن


بســــــــــــــــــــــــــــــــــم الوطن الدابو صحح للمسار

وبســـم الوطن الدابو اتمطق حلاوة الانتصار وبدأ العمار
يكفي الدمار بيروت وبغداد وقندهــــــار وزي ديل كتار
دي وصية للساسة الكبـــــــــــــــار النختلف يمنه ويسار
بس بالهداوه وبالحــــــــــوار لا مدت ايد لا ضرب نــــــار
ممكن نصل حد الكجار بس مانكون في يوم صغــــــــار
جايينا هم اكبر من الكرســــــــــــــــــــــي الرحيــــــب
وقدامنا غم يتساوي فيهــــــــــو عدو وحبيـــــــــــــب
الفرصة جــــــــــــات النتفق أنا وابن عمي علي الغريب
بعدين كدي النجـــــــــي نختلف بعد الجراحات ماتطيب
بعد الدخيل الجـــــــــــــــــــــاي ظنو كمـــــــان يخيب
يلقانا قشطة علي عسل يلقانـــــــــــــــــا كباية حليب
يلقانا فنجان جبنه فوق هباب في ضل الدلــــــــــــيب
يلقانا دخان الرصاص حولناه نسمه وهمبريـــــــــــــب
ويلقانا سودانية صح لا فينا جســـــــــــــــاس لا كليب
ايدينا في ايدين بعض يلقانا فوق فد عنقريــــــــــــب
نتناجا في الوحده السلام نتناجا في العشم القريـــب
بعدين كدي النجي نختلف بعد الجراحات ماتطيــــــب
يامسلميــــــــــــــــن الراس منكـــــــــــــــــس لا متين
دارفور منارة الصالحيـــــــن نرميها في حضن الهجين
وحنمشـــــــــــــــــــــــــــــــــــــــــــــ ــــــــــــي وين
اقسمت بالله العظيم وأقســـــــــــــــــــــــــــــــم يمين
لو شارون لقينـــــــــــــــــــا يصلي في جامع الضعين
ماتطولنــــــــــــــــــــا قوات الهجيــــــــــــــــــــــــــن
أقسمت بالله العظيم وأقســـــــــــــــــــــــــــــــم يمين
لو بوش يأم الجمعة جوة معسكر أبو شوكة الحزيـــــن
ماتطولنــــــــــــا قوات الهجيـــــــــــــــــــــــــــــــتتن
أقسمت بالله العظيم وأقســــــــــــــــــــــــــــــــم يمين
لو اولبرايت جات منقبه صايمــــــــة صوم الزاهديــــــــن
ماتطولنـــــــــــــــا قوات الهجيــــــــــــــــــــــــــــــــن
أقسمت بالله العظيم وأقســــــــــــــــــــــــــــــــم يمين
لو كان بلير يدينا نبذه عن الرسول واصحابو عن موته وحنين
ماتطولنـــــــــــــــــــــــــــــــــــــــــــ ــــا قوات الهجين
أقسمت بالله العظيم وأقســـــــــــــــــــــــــــــــــم يمين
لو مجلــــــــــــــــس الامن اجتمع في مكة جوها معمرين
ماتطولنــــــــــــــــــا قوات الهجيــــــــــــــــــــــــــــن
ماتصدقوهم ديل أبالســــــــــــــــــــــــــــــه ومجرمين
ديل حكمتم( فرق تسد ) ديل مكمن الحقد الدفيــــــــــن
قوات سلام هن السلام جابوهو وين وزرعوهو وين وعرفوهو وين

نحنا السلام بنعرفو بس في دولتين ياطوكيو يا اما بكين

alshatrabi
06-24-2011, 05:29 PM
حظي التعيس

أنا مالـــى دون النــاس مســــــــوده أيـــــــــــــامي
لاضــو لــي نــــــــبراس فـــى ظلمـــــه أحلامـــــــي

ليـــه دون خـــلايق الله حظي التعيـــس مســــــود
يـوم الفـــــــــرح طـــــل مــــات قبـــل مــــــا يولــــد
فتحـــــــــت للأحـــــزان وســـــاعة الفــــرح غمـــــد
اتغتــــا بيـــهم أســــاي متوســــــــدة الامـــــــــــى

بـاب السعـد مقفــــــول مـــــا أتلقـــــــا المفتـــــــاح
مـــات الشعــــاع مكتول صبـــح السعــــد مــــــا لاح
لمتيــن معــاي يا غـــول يـــــا طـــــــــارد الأفـــــــراح
كل ما أتفتــح لـــي باب ألقــــــــاك قدامـــــــــــــي

صبحـــاً يشـــــع قـدام طولـــــــــــت أهــــــــــاتيبو
شـــايفاه فــي أحــلام عطرنــــي بــــــي طيبــــــو
يظـهر لـى فجـأة ظـلام جــــــــــــارات جلاليبــــــــو
يكشـحني بـــي أوهـام تحرمنــــــي نســــــــــامي

قدامــي كـــل النــــاس أفراحــــــها مــــــا ونـــــــت
عايشين سماح أحساس بيـــــهو الطيـــــــور غنــــــت
الكــــاس يلاقــي الكـاس ذي مــــــــــا هـي إتمنــــت
عنـــدي الأمــاني يبـــاس مــــــــات القبيــــل نـــــامي

كـل الخطــى الثابتــــات تتماشـــى لـــى قــــــــدام
وأنــا لـو حظيت خطـوات بيردهــــــــــــا الــــــــــهدام
البعــدي عـــدى وفـــات متوســـــــــد الأحــــــــلام
وأنــا مــالي ليــه راجعات طوالـــــــــــــى أقدامــــــــى

alshatrabi
06-24-2011, 05:30 PM
عبدو اخوى

صحيح ياعبدو اخوى قولك حقيقه
كتير الطفشه ( الجلا ) من فريقه
يزازى نقل سميحات الخليقه
ورنين صفارتو نفسى ابت تطيقه
معاها انا كيف اسوى شنو الطريقه
تعيق فى الناس اله الناس يعيقه
اتمناله فى دالة غريقه
تحتل فيها ما تفضل شقيقه
تطير ريشاته منها بى فريقه
وصميم مكناته تلتهمو الحريقه
قمرات نومه تسكن ام دريقه
وتولد فى عنابرو عشان غريقه
بناتنا حليل سروحن فى السبيقه
لقيط ام راس مبقعى و الكريقه
اديهن حلوه غير لبس ام دقيقه
وبدون كترت غويش نفسن طليقه
جمالن خلقه لو لفحن طريقه
وبدون مضغوط فراد باهى زيقه
يا حليل قتانن الفوق السليقه
ليقيمتو تطمن الضارباهو ريقه
كتير قبلك يئن مضروب بديقه
تسد عبراتو تسمع لى شهيقه

alshatrabi
06-24-2011, 05:30 PM
يا خلايه
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا

alshatrabi
06-24-2011, 05:31 PM
يا محسنين لله

قومة من النباه ما ضاقلو قوت الفاه
غير كلمتين فى اليوم إعتادن الحلقوم
من الصباح للنوم يا مـحسنين لله
تبدأ الصباح بالآه ومنك زمن تواه
وتتمسى يا الله من شدة المأساه
ترقد رفقت الشاه حالاً صعب رضاه
000000000000
جواها صوت مخنوق ما بيسمعوا المخلوق
وبالاً شتيت ممحوق وأنه أسى وخازوق
بحت لسان مريوق ينادى مـعـتـصـمـاه
00 يا محسنين لله 00
حبل المروه الكان ممدود من الجيران
وأعـمـــامـه والخلان بالمطرقة وسندان
يا حليل رجلنا زمان بس فضلو الأشباه
00000000000
قبال ثلاثة سنين يتمت من الوالدين
ومن بعـــــدو بسنتين راح الكفيل وحنين
خلا لها دمعة عين وخلا لها خمسة أفواه
000000000000000
صبارة قادرة تطيق كل الآلم والضيق
وتغلب نشاف الريق والمصلا والابريق
وقلبـــاً وفى وصـــــديق لا ضل يوم لا تاه
000000000000
إلا الصغيرونين يتبـــــاكو هم دايرين
فى لحظة وحين مـا بيعوفـوا المن وين
والحــوجة سيفه سنين يقتل رقاب الجاه
0000000000000
سالت دموع أنهار جسر الصمود إنهار
عارفى العدم جبار مر ما بيراعى صغار
إلا الفقر مـو عار بس للوجوه شواه
000000000000000
ضايقى العذاب كم نوع وعارفى السؤال ممنوع
شبعانه فوقو الصوع ورويانه نوح ودموع
الله يجازى الجوع كم كم حنالو جباه
0000000000000
تب يا زمن مـحاق من ضلك الرقـــــاق
يا قاسى يا فراق يا اللى الفرح سراق
حنضل أساق دقاق مـا بيحملنو شفاه
000000000000000
عطش السنين فى الجوف طرد السئم والخوف
فرش دواخلى حـروف روينا بالمعــــــــروف
ولا قلة المصـــــــروف لا الحـــــوجــة تتوطاه

alshatrabi
06-24-2011, 05:53 PM
كلمات للحبيب

لاكنين فى العرف تنفع ولا الدموع فيها استفاده
ياحبيب كل شى قسمه واراده
فى الحروف يادمعه شفتك تعشق الداكن سوادا
وفى دروب عابره وكنين وجارى حفيان فوق وهادا
عامل الاحزان مطيتك شادو سرجك فوق جيادا
ده المخلى العيشه عندك صوره من عام الرماده
صح مبادى الريده عندك فى الصغر قويت عمادا
شلت نغمات قيس وعنتر فى كنينه الماضى عادا
كم سنين بى فوقنا فاتت وحتى ماعارفين عدادا
لى كنين فى الكير تفتش وانت فتها فى المخاده
لوصحيح كانت تبادلك ريدك الصار ليك عباده
رغم انها سامعه صرخات صوتك الفى جوفا نادا
ياكنين ريك هلكنى واورث العين سهادا
على الاقل كانت تقولك ريدى بالاكتر زياده
سامعه كل القلتو فيها هاديه بعد انتم مرادا
عايشه فى خيره ونعيما وزاهيه فى حلل السعاده
وراهنه تنعم بى دلالا وبى رفيق دربا وبلادا
حليل خيوط احساسا بيك وين كتاياتا وودادا
كل ماجيت فوق ديارا نوخت ابلك قصادا
تبكى اطلال سيدا سافر بالسنين ماطال بعادا
لالقيت الغايبه منك لاالسنين لميت حصادا
ناسى والايام بتاكل فى عمرنا خيوت نجادا
يارفيق الدرب ارجع وخلص الروح من عنادا
ماتلين تكسر جموحك وشدو حيلك فى جهادا
زيدا من جرعات صمودك واليقين اليبقى ذادا
وحزر المثل البقولك موت عشان الحب زيادا
ابدا قبل العمر يكمل حصل انحل والندادا
ابتسم تبسم ورودك وافرش الافراح وسادا
صيده كان اصطادا غيرك مابيحللك اصطيادا
حكمه لو كان الف طائر منو اخير فىالكف جرادا

alshatrabi
06-24-2011, 05:54 PM
حبل الوصال

تاريـهـو ريــدك كــان كـلـو جــور ونـفـاق
كذابـه ضاحـكـه عـلـى يــا نـاكـره للميـثـاق
ويـــن جـــدول التـحـنـان الـكــان بيـرويـنـا
الضحكـة ليـك عـنـوان يــا حلـيـل عناويـنـا
بـدلـتــى كــــل الــكــان مــاتــت أمـانـيـنــا
كانت هى فى الأحضان اليوم على الأعناق

ضاعـت عهـود الـريـده لـيـه تبـقـى كـذابـه
حلـم العديـل والـزيـن اصـبـح حـكـم غـابـة
يــا زهــرة الياسمـيـن مــا عـدتـى خـلابــه
دهبـن لقيتـو لجـيـن الـحـق عـلـى الصـيـاغ

كان الضمير مرتاح من جـور بنـات حـواء
قـلـب الـهــوى الـنـبـاح لا حـــول لا قـــوة
سمكـرتـو و المفـتـاح ضيعـتـو فــى هـــوة
لا قلتـا لـزول ضـاع لا يــوم فتحـتـا بــلاغ

تـاريـهـو جـــرح مابـيـبـرى بـــى دكـتــور
كــل التـسـوى الـلـيـد يتحـمـلـوا المـجـبـور
جرحـاً صبـح تأبيـد جـوه القلـيـب مهـجـور
تلـت علـي القيـد زعزعنـى فــى الأعـمـاق

التوبه يـا قاسيـن لـى تانـي مـا فـى رجـوع
واشكى العلى لى مين والبوح حرام ممنوع
اخفيهو تانـى يبيـن عبـرة وسـروح ودمـوع
قالـوا القلـب والعيـن بحـر الـهـوي الـلـداغ

اسف زمانى الضاع درب الرجـوع قاسـى
وانا تانـى مـا بنصـاع لـى لوعـة احساسـى
سـر الدواخـل زاع وانـا زولـى لـى ناسـى
قلـب المحـنـة خــداع إنـشـره فــى الآفــاق

alshatrabi
06-24-2011, 05:55 PM
شتيلي الزارعو
ضقت فوقو المرة لكن يحصدو الغير
يا شتيلي الزارعو من بعدك تباشير
***
يا الرويت حضانو مسروف ماهو قطير
ماقطعت شرابو في الحراية وأمشير
شالو تكت سبيطو زايد يومي خدير
لا يبس لافيهو شخلوب المرق صير
***
ريو كان من دمي مابنشلو من بير
جاري من شرياني ماهو شراب مواسير
فتحت زهراتو لادن عودو يبس اير
بالامل شعبتو خوفي يجيهو كسير
***
لا رياح بتهزو لاهبة أعاصير
كت ديمة بخافلو نقيد الزرازير
كل حاجة عشانو كانت بالمقادير
للأسف يا تعبي ما كان ليك تقدير
***
أنا ما بلومو أنا عارفو طيب وماهو شرير
كان حنين قلبو لكن جاهو تغيير
العليهو اتواصو سراقيين مضامير
وخلو حنو أقل من الينقو تصدير

alshatrabi
06-24-2011, 05:56 PM
الى رحم ام

صيغة خطاب مكتوبه من قلب الولد
من جوف طفل لحظاتو بين مره وشهد
لسع ما عرف طعم الحياة ويادوبو لسع في المهد
كلنو كان يعرف تمام غير انو مخلوق في كبد
كانت رسالتو دروس حياة في الزهن تسكن للابد
فيها المداد دمعة عيون منسابه الهبة الغدد
كلماتو من معجم لغات الدنيا كلها تستمد
مظروفا جوف كاتم انين فياض دوام ما ليهو حد
والطابعه كانت قبله من بين الشفاه مختومه بي صبر و جلد
عنوانا كان ظاهر مبير من غير حروف اللا اسد
الي رحم امي وختي قوس قبال يقفل القوس قصد
يكتب كلام شان يلفت الانظار قصد
مضمونو بين قوسين يقول( ممنوعه ما يقراها حد)
وكان الخطاب عبر البريد السري حافظ المستند
في ذبذبات هذت دواخل امو لهبا ما برد
لمن صرخ ومسك الثدي واتواري في حجرا وغمد
لما الخطاب وصل الرحم بقي نطفه يادوبك تعد
تكوينا ما وصل المشيج في علقه منتظره المدد
لكن قدر يحكي الظروف الجات عليه بلا وعد
حكي لاخوه وقال كلام لابد من يلقالو رد
وكان الحدث صحوة ضمير علاما حلال العقد
دي رساله من طفلا صغير حكي لاخوه وقال سرد
********
دنيانا ما دنيا واحلامنا ما احلام
دي حقيقه ما رؤيا وقالو السبب اقسام
لو ليك كتب تحيا ضي عالم العلام
طال شوقي لي لقيا وخايف من الايام

بالله زنبنا ايه من قبل نتلاقي
نرد الغفار والتيه في الدنيا نتشاقا
ليه شجرة الوالدين يتحتو اوراقا
ما نلقي جيم لسين غير المعيشه اقسام

انا شوقي لجيتك دايرك معاي رفيق
بي جيها خايفلك عيشت نشاف الريق
انا نيتي زي نيتك لمت شقيق وشقيق
سالكين طريق مسدود ما بمشي لي قدام

انا داير احكي لك احوالي بالتفصل
انا كالضفاف مخضر كانت حياتي قبيل
لكن بدين اصفر لمن هجرني النيل
اسع بقيت مجبر اتحمل الاقدار

العيشه بين والدين من مده متفرقين
زي المياه والطين وفقد النظر للعين
بيقلوا مشتاقين شاربين كؤس البين
كاس الوداد في الحين اصبح شرابو حرام

ما راعوا للجاين وما قدروا المولود
واظنهم ناسين الجاي والموجود
حتي الشرع والدين اتناسو ليه حدود
لما الصحف رفعت وجفت الاقلام

والليله ندمانين ايه الندم بيفيد
خلوني باكي وحزين عايش فرد وحيد
زي زهرة الياسمين من ايد اروح لي ايد
قطعوا الشديد ومتـــين لا غربه لا ارحام

انا داير اوصيك اصبر علي البلوه
ولا بد تلاقيك المره و الحلوه
كل العشم فيك انك تكون اقوي
من كل بلاويكا دنيكا تبقي سلام
ودنيانا ما دنيا واحلامنا ما احلام..

alshatrabi
06-24-2011, 05:56 PM
مشورة

يا خلا دلوني الطريق قايدني بيكم مشورة
عاشق يهد ليل فوق نهار أسعد عيون أسهرة
***
زولاً متيم من زمان كم شاب طالب المشترى
لكنو ماعرف الوصول واقدامة ثابتات في الترى
تابع دريب زولا حنين في دربو كم ساسك جرى
وغلبو اصطياد قمريتو حد مادودرى
***
الله على زولاً هلك في عتبة قدامو ووراه
يتباكو كل ماذكروا مدرسة ولا قالو مذاكرة
انت الأماني الفي القليب آمنا بيك يا جوهرة
لمتين رجوعك للقرير صبحت بلاك مكدرة
***
انا زولي ضاوي وجيهو زي القمرة نايري مدورة
والعود نداوتو الخيدران والقامة زي المسطرة
خلقي وعيونو مكحلات يوم بي كحل ماجرجرة
مافيش شبيهو بلا المحيط في كل مداها ومحورة
***
حزمة سبيب للعاشقين مردوم مدفق بي ورة
أما الشفاه لهجن عسل كلمات يقطر سكرة
أما القوام قايم يداب موجو زي نهر أدبرة
بشتني خلى الناس تقول مجنون دا قبالو وبرة

alshatrabi
06-24-2011, 05:57 PM
مرام ما جات

مرام مرقت على الجيران
ومرن ديل كم ساعات
غابت نجمة الضيفان
واكتست الارض ظلمات
مرام ما جات…!!
حكاية كان وياما كان
حكاية تشيب الولدان
حيرت الانس والجان
وبرهنت انو ما في امان
رجع وأد الطفولة زمان
زمن عبدة(هبل)و(اللات)
بعد لبست جديد في جديد
مرام مرقت تبارك العيد
وقفت سمعتنا نشيد
حلاوة موبايلا الفي الايد
مع التسريحة والباندات
اتاريهو الغدر منصوب
مسطر ومافي منو هروب
برغم رضانا بالمكتوب
ده غدر ما وراهو سكات
بدون إنزار..بدون اسباب
مرام غدروها جمب الباب
مرام هجمت عليها ذئاب
طباعم من شريعة الغاب
ملاكاً حولوهو رفات
قلوب لا رحمة لاإحسان
مدبجة بي صفات شيطان
وظهرت قدرة الرحمن
محل اسنانها هو الاثبات
دريبها على الارض منقوش
سريرها من العصر مفروش
معالمو باقية وسط الحوش
ملابس الروضة واللبسات
بعد شمس العصاري تغيب
مرام كانت تودي تجيب
عندها بسكويت وحليب
في تلاجتن راقدات
وحيدة اخوانا والوالدين
عليها يخافو متمنين
تتعلم تتم الدين
وليها يوزعوا الشربات
*******
يا صاحباتها وينها مرام
سماح يادوبو فرهد قام
عمير ما تم خمسة اعوام
ملازماها البراءة سمات
عيال الروضة ياسمحين
لمن جيتو متماسكين
ما شفتوها راحت وين
مرام سرقت منام العين
مرام حرقت حشا الامات
وليه بتقول مرام ما جات
*******
مرام كلما وجيها يلوح
تبق جوانا احساسات
مرام بقت القلب والروح
سحابة تخدر البلدات
مرام غصة حلق مجروح
تقوقيها القميريات
مرام صفحة كتاب مفتوح
يقروه الطلبة والطالبات
مرام عصفور يئن مجروح
ما شفعها الدمعات
مرام جزء من (محمد) و(نوح)
و(تبارك) و(عم) و(النازعات)
مرام شربت محاية ولوح
وفي ساعة المغيب بخرات
مرام دعاء للجميع مسموح
بعد ما تكمل الصلوات
مرام حاتظل سؤال مطروح
جوه بيوتنا والطرقات
مرام حاتظل سؤال مطروح
وسط اولادنا في الجامعات
مرام حاتظل سؤال مطروح
موجه للشباب بالذات
وليه بدت السماحة تروح
إرث اجدادنا والعادات
*******
اخيرا داير اجيز القول
منو المسؤول..؟؟!!
تقول دي ثقافة البتر
ولا سيف العولمة المجهول
الدجتل مع المحمول
افلام فاضحة والمسكول
عموماً…….
بيوتنا في فك غول
مخيف اسموا الفضائيات
ومرام ما جات..!!