العودة   منتدى سودانيات > اقسام منتــدى سودانيات > منبر سودانيات العام
صحيفة شبكة سودانيات مركز التحميل المكتبات

منبر سودانيات العام قدح سودانيات الكبير للحوار العام

إضافة رد
 
أدوات الموضوع انواع عرض الموضوع
قديم 06-08-2011, 12:37 AM   #1
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

Icon26 ود مدنى

شكرا الاعزاء حامد بدرى-ابو السحالى-بت كبلو وطارق الحسن فى بوست بت كبلو (الكلام دا كيف)
هيجو الذكريات وقلبو المواجع لهذه المدينة التى ولدت ونشاة بها. فهى مدينتى التى اعشقها وكم اتمنى ان اعود
الى احضان مدينتى الحبيبة. والذكريات كتيرة







ضع تعليق بحسابك فى الفيس بوك

التعديل الأخير تم بواسطة sulara ; 06-08-2011 الساعة 02:58 AM.
 
رد مع اقتباس
قديم 06-08-2011, 12:41 AM   #2
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي



نادى الجزيرة



 
رد مع اقتباس
قديم 06-08-2011, 12:47 AM   #3
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي




قبة ودمدنى السنى



 
رد مع اقتباس
قديم 06-08-2011, 12:56 AM   #5
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

Icon19

ود الفتلي
سباح ماهر، لأنه يسكن جنب البحر، يقطع البحر حتى وقت الدميره، يصطاد الشجر الذي يقتلعه النيل الأزرق ساعة الفيضان من على ضفتيه – ربما شجر إثيوبيا- ويجرفه في تياره القوي عند سقوط الأمطار في الهضبة الحبشية في يوليو وأغسطس، ويبيع ود الفتلي هذا الشجر حطباً ليشتري به البنزين.

ابتلى الله ود الفتلي باستنشاق البنزين عبر القطن، اشتهر بذلك في ود مدني، يحمل دائما زجاجة البنزين في جيب جلابيته.. صادف إدمانه ذلك أول أزمة بنزين في السودان في العام 1978م أيام حكم النميري ، وكان ود الفتلي إذا لم يجد البنزين يجلس مستكيناً (ومضبلن) في وسط شارع الزلط، فإذا مر عليه إنسان وسأله لماذا يجلس هكذا وسط الزلط؛ يجيب بأنه (قاطع بنزين)، وحتى لا يموت من قطعة البنزين تلك، أو يعيق حركة المرور، فقد يتبرع له سائق سيارة بشمة بنزين، وحالما يصل البنزين لرئتيه يبدأ بتقليد صوت تدوير موتور السيارة (رررررن، ررررررن، تيت ، تيت) ثم تدب الحركة فيه وينطلق عبر الزلط.. وحسماً لأمر هذه (القطعة التي يمكن ان تؤدي بحياته) فقد صدًق له المحافظ بحصة من البنزين أسوة بالمركبات..

من نوادره ايضا، كان إذا أعطيته قرشاً أكل امامك ضفدعه حية .. وكله يهون في سبيل البنزين..

بقلم / عمر حسن غلام الله



 
رد مع اقتباس
قديم 06-08-2011, 01:10 AM   #6
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي



سوق ود مدنى الكبير



 
رد مع اقتباس
قديم 06-08-2011, 01:12 AM   #7
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

تسلم طارق على تكبير الصورة



 
رد مع اقتباس
قديم 06-08-2011, 05:03 AM   #8
ابوعلي
عضو
 
الصورة الرمزية ابوعلي







للتحدث مع الإدارة sudanyiat.net





ابوعلي غير متواجد حالياً

افتراضي

مدني جامعة الجزيرة - النش
الدباغة - ود كنان - العشير - بانت - حنتوب - و.....
ذكريات وعشرة واهل واصحاب وحبايب
احداث 94م - الشهيد محمد عبد السلام - معتصم عترة
ايام خالدة
لك الود سولارا
وضيوفك الكرام





تكلم بوضوح اِن تكلمت وصغ كل كلمة قبل أن تدعها تخرج

 
رد مع اقتباس
قديم 06-08-2011, 07:05 AM   #9
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

اقتباس: المشاركة الأصلية كتبت بواسطة ابوعلي [ مشاهدة المشاركة ]
مدني جامعة الجزيرة - النش
الدباغة - ود كنان - العشير - بانت - حنتوب - و.....
ذكريات وعشرة واهل واصحاب وحبايب
احداث 94م - الشهيد محمد عبد السلام - معتصم عترة
ايام خالدة
لك الود سولارا
وضيوفك الكرام

الكلام كتير يا ابو على عن ود مدنى
بس خلينى اكمل بكاى زي ما عاوز طارق الحسن



 
رد مع اقتباس
قديم 06-08-2011, 07:51 AM   #10
عباس الشريف
Super Moderator
 
الصورة الرمزية عباس الشريف






للتحدث مع الإدارة sudanyiat.net





عباس الشريف غير متواجد حالياً

افتراضي

اقتباس: المشاركة الأصلية كتبت بواسطة sulara [ مشاهدة المشاركة ]
الكلام كتير يا ابو على عن ود مدنى
بس خلينى اكمل بكاى زي ما عاوز طارق الحسن

نهمس بكلمات ذكري الزمن الجميل .... نرتوي حلما يطوف بخيالنا نلملم شتات خيوط الايام التي عشنا اصفي لياليها نسترق السمع بالماضي الجميل تحت الصمت وشقشقة العصافير يتردد صداها بشفافية احاسيس ونشوة تلك الفترة نسبح في خيالات تلك اللحظات الجميلة والتي انقضت كالثواني عشناها بامتاع نحتسي وننتشي من ربيعها... ليالي مضيئة بنجومها انارت لنا عتمة الليل التي اصبحت هي العصا التي نتوكأ عليها ودليلنا لايام مضت نهوي ذكراها بين الحين والحين وتشتعل نيران الحريق في دواخلنا عندما نحس بانها مضت... لنعيد تلك اللحظات الجميلة بنبش مراقد الزكريات .... نلمسها .... نتحسسها .... لنعيد تلك الذكريات لتكون باعث للامل لاستمرارنا في الحياة وذوادة طريق لا ينبض معينها نحملها في الدواخل بشجن وفرحه لا تتلاشي بطي الزمان تلك المدينة الشامخه بعبقها وتراثها الاصيل مدني.



 
رد مع اقتباس
قديم 06-08-2011, 07:57 AM   #12
عباس الشريف
Super Moderator
 
الصورة الرمزية عباس الشريف






للتحدث مع الإدارة sudanyiat.net





عباس الشريف غير متواجد حالياً

افتراضي

نحن جيل الرئيس الراحل النميري هي فترة حكم تمثل شقين الاول قبل الشريعه الثاني بعد الشريعه حيث كانت هنالك معالم تغيرت في مدينة ودمدني بعد تطبيق الشريعه ادي الي تغيير حراك المجتمع وتلك الفترة كنا بمدني شمال التي كانت حدودها تختلف بعد مر الزمان اذ تم اضافة لها بعض الاحياء التي كانت تعتبر خارج مدني مثل عترة ((العباسية)) كانت مدني شمال من حي العشير الي الدباغه تشمل حي فلاته - توتوماده التي ازيلت لاحقا بالاضافة الي حي ودكنان - ازهري هنالك امتدادت ظهرت جديده مثل القلعه والاحياء التي قامت حديثا لا وجود لها ذلك الزمان ايضا جامعة الجزيره النشيشيبه هي حديثه كما كان يوجد حي تلاشي بعد الشريعه الاسلاميه هو في الوسط بين الدباغه وحي ازهري يسمي حي زوروا يمتد في شريحه صغيره علي شارع الاسفلت من اول مربع بعد مدرسة زروق متجها شمالا الي حي فلاته كان حي للخمور والدعاره ويسكنه الاحباش والارتريين .....الدباغه غير صناعة الجلود وازيار المويه كانت ايضا تشتهر بالاقاشي والنيفه ((الكوارع)) مصنعها امام ميدان الشعله حيث كانت تصطف سيارات الموظفين يوم الخميس لطلب الكوارع وهي تعتبر عشاء دسم لاصحاب المزاج يلقبونها بالاستيكه اما الاقاشي كان يوجد سوق كبير هو سوق الداندلي بحي فلاته علي جوانبه يوجد نيران الاقاشي كما تباع فيه ايضا بعض منتجات الفلاته التي ادمناها منها القدوقدو والبفره ايضا هذا السوق يكون مزدهرا يومي الخميس والجمعه كسوق النيفه ......أيام الخميس والجمعه تعتبر مهرجان في الاحياء الشعبيه......الدباغه بها تمازج قبلي لكافة قبائل السودان لذا نجد بقرب نادي المورده صراع النوبه يبدأ من الساعة الرابعه عصرا للدخول في زكرياته يحتاج لمساحه لوحده كما نجد العاب الفلاته السحريه سوف نتعرض لها لاحقا



 
رد مع اقتباس
قديم 06-08-2011, 08:03 AM   #13
عباس الشريف
Super Moderator
 
الصورة الرمزية عباس الشريف






للتحدث مع الإدارة sudanyiat.net





عباس الشريف غير متواجد حالياً

افتراضي

ياقلب أنا كنت قايلك
تبت من تعب السفر
ومن مخاواة القماري
و من شراب موية المطر
تاريك كامن لي بي شيتآ كتر
ما زمان أنا و أنت لفينا المواني
بالقطارات و المطارات و السفن
دقينا أجراس الجديد
و عدنا ترتيب المعاني ..




يا قليب يا ما سرحنا
مرة جينا و ألف رحنا
و مرة شاي عصرية في طرف الغمامة
و مرة دوبيت للمحنة ..
و مرة حاجاتآ جميلة
وأنحناءات للحمامة
جاي تسألني الدبارة
يا قليب مافيش دبارة
لا المراكب قادرة تكسح في النزيف
ولا نحن شايفين الفنارة ..



الليلة راجع لي تبق بق
بتنتل الآهة و ترق رق
زي تقول يا داب عرفت الأندهاش
يا قليب مالك علي
ما أنت عارف نقطة الضعف القديمة
وزيي ضايق الأرتعاش



 
رد مع اقتباس
قديم 06-08-2011, 08:07 AM   #15
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

منتظراك يا اخى عباس
و الحديث عن مدنى يطول



 
رد مع اقتباس
قديم 06-08-2011, 08:09 AM   #16
عباس الشريف
Super Moderator
 
الصورة الرمزية عباس الشريف






للتحدث مع الإدارة sudanyiat.net





عباس الشريف غير متواجد حالياً

افتراضي

الدباغه سميت بهذا الاسم لارتباطها بدباغة الجلود تعتبر من احياء مدني الكبيره ذات كثافة سكانيه عاليه غير القبائل العربيه والافريقيه التي تسكنه هنالك شريحه كبري من قبائل الهوسا والفلاتة وبرنو شكلو بعاداتهم طابع خاص للحي وهم مولعون بتجارة الفول السوداني ، حياكة الثياب والخياطة تتطورت بهم حاليا الحياة بايقاعها السريع اندمجو في المجتمع تغيرت المهن نجدهم حاليا في الدواوين الحكوميه ولهم اسهام في فتح خلاوي لتدريس القران كانت هنالك خلوة المورده بجامع الجيلي الحسن صلاح بالقرب علي ضفاف النيل تعتمد في ايرادها علي التسيير قرش يوم الاربعاء الذي يعتبر يوم عيد اسبوعي فيه بليلة الاربعاء كل طالب يساهم بكوره من الذره او القمح او اللوبيا الجميع في تسامح وتعايش رغم ان هنالك بعض القبائل المسيحيه من جنوب السودان والنوبه الذين كانوا يعملون في البلدية بمهنة تعتبر حكر عليهم وكانت تشكل ظاهره في تلك الفترة قبيحه هي سيارات ((الالتا)) فضلات الانسان يتم حملها بجرادل كبيره اذ يندر وجود سايفونات او مجاري في تلك الفترة عندما تحضر سيارة الالتا كنا بشقاوة الاطفال نعاكس العاملين عليها مما تعرضنا لعقاب بالجلد من كبار الحي مرات عديده كانت معاكساتنا بالصياح ((عيفونا)) من ملاحظات التعايش السلمي للقبائل كانت هنالك خلوه لا تبعد سوي عدة مترات عن بيت صناعة الخمور وهي في الجزء الشمالي الفاصل بين فريق فلاته وحي زورو كانت لنا صداقات طفوله نمت من خلال الدراسه بالخلوة او المدارس الابتدائيه بابناء الحي رغم تحزيرات الاسره بعدم الذهاب الي بيوت الخمور لم تقف حائل بين امتداد اواصر الصداقه فكنا نذهب للزياره او الترتيب للعب الدافوري عند زيارتنا يتم تقديم واجب الضيافه لنا بعبار مريسه ..... في فترة الديمقراطيه بعد نميري تحضرني طرفه ان الاب الراحل فليب عباس غبوش كان في ندوه سياسيه خاصه بابناء النوبه هو شخصيه ظريفه وللكسب الانتخابي كان يتحدث معهم للتوحد تحت رايته والتصويت له لكي ينتشلهم من التهميش مستدلا بان اعمالهم هامشيه في المجتمع يعملون بعربات البلديه (( الالتا)) ولقد امتد الحال لهم في جميع المهن حتي في كرة القدم لا يحظون بوظائف مهمة وقال لهم حامد بريمه بوقفوا قون للفريق القومي ليه احنا ما سودانيين



 
رد مع اقتباس
قديم 06-08-2011, 08:15 AM   #17
عباس الشريف
Super Moderator
 
الصورة الرمزية عباس الشريف






للتحدث مع الإدارة sudanyiat.net





عباس الشريف غير متواجد حالياً

افتراضي

لعبة اليويو كن نعرفها منذ زمن طويل وان اختلفت مواد التصنيع الحاليه والقديمه طريق الاسفلت للدباغه شمال علي ما اعتقد تم انشائه في نهاية السبعينات كانت العربات تاخذ مسارالنيل من قبة ودكنان تتجه يمينا الي النيل مرورا بميدان الشعله عندما تم البدء في رصف الطريق بوسط الدباغه كنا نذهب لاحضار الاسفلت لصناعة لعبة تشبه اليويو باضافة اللستك الذي يستخدم في صناعة الملابس الداخليه ((السراويل)) لوضعه داخل الاسفلت ويكون في شكل كره صغيره تمسكها ببطن يدك وترميها مره اخري لتعود لك بنفس درجة رميها كنا نبتكر الالعاب ونستحدث ونسرق الزمن عندما يتم ارسالنا للدكان نذهب لاحضار الاسفلت بحجة ان دكان فلان قافل أو ما لقيت عندو فذهبت الي دكان اليماني ودكان اليماني هذا يقع بالقرب من نادي الشعله الحالي بالجهه الغربيه للخور يوجد به هاتف الاتصال بي قرش لاتوجد تعريفه بالدقيقه في تلك الفترة الحساب عندما يفتح الخط وكانت هنالك عدة دكاكين مشهوره منها دكان ود الحاج وسط الدباغه ودكان الجزولي خلف المدرسة الابتدائيه بنات واولاد ودكان وسلطانه شمال دكان الجزولي وللاخير هذا نوادر في التعامل اذكر عندما يرسلونا له نجده نايم علي العنقريب لا يكلف نفسه عناء الوقوف... اسألك يا ولد عايز شنو .... تقول ليهو عايز صابون .... أسالك تاني ... بي كم .... تقول ليهوا بي قرشين .... عندما يجد المبلغ صغير يوجهك بالانتظار بصوره فاتره ... خلاس اقعد يا ولد انتظر لما اجي اخوك التاني .... يقصد بي اخوك التاني لما اجي اي واحد اشتري منو عشان اقوم ليكم الاثنين سواء وتظل انت منتظر بجوار العنقريب ...
كان هنالك دكانيين واحد في الدباغه شمال مدرسة زروق الحاليه التي كانت سابقا مدرسة متوسطه عندما درسنا بها والاخر وسط حي فلاته لم نقرب من هذه الدكاكين لخوفنا من التهديد والوعيد من الاهل ان ذهبنا لشراء اي مستلزمات منها وذلك لان هذه الدكاكين كانت بالاضافه للمواد التموينيه تتاجر في الحشيش (( البنقو)) كان يدرس معنا في المدرسه الابتدائيه القسم السادس والتي هي حاليا بموردة الحطب ابناء احد هؤلاء التجار لم نكن نعامله بطريقه مختلفه فهو احد اصدقائنا وكان في اعتقادنا ان البنقو نوع من السجائر البلدي الذي يستخدمه بعض الناس وهم فئه دنيا في المجتمع ليس لهم المقدره لتناول المشروبات الكحوليه التي يتم بيعها في البار وهي غالية الثمن وكانت المعلومه لدينا ان البنقو في خانة الكحول والتي يتعاطاها منبوذ في المجتمع ..... انا ومعي احد الاصدقاء حاليا يعمل مدير في احد البنوك السودانيه طلبنا من صديقنا هذا طلب ....(( يا فلان ياخي اسمع ما تجيب لينا بكره معاك في المدرسه بنقو من بتاع ابوك .



 
رد مع اقتباس
قديم 06-08-2011, 08:39 AM   #18
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

بكاي زاد يا عباس
انت و طارق مستقصدنى؟
احببت ابو عركى
اكثر من اخي




التعديل الأخير تم بواسطة sulara ; 06-08-2011 الساعة 08:43 AM.
 
رد مع اقتباس
قديم 06-08-2011, 10:36 AM   #19
الأمين البشاري
مدير تقنية المــوقع
 
الصورة الرمزية الأمين البشاري






للتحدث مع الإدارة sudanyiat.net





الأمين البشاري غير متواجد حالياً

افتراضي

ســـولارا كيفك

العنصـــرية ظهرت اهــي
بهزر طبعا ومــدني بالمناسبة ملك لكل الشعب الســوداني
وهي أفضل مدينة تمثل التعايش بين مكونات الشعب السوداني
وطبعا مدني حاضرة الجزيرة .. والجزيرة دي لامه كل السودان
يعني حنك كدا لينا فيها زي ما ليكم
احمل بعض الذكريات الجميلة لمدينة ود مــدني

تحاياي



 
رد مع اقتباس
قديم 06-08-2011, 10:40 AM   #20
حامد بدري
عضو






للتحدث مع الإدارة sudanyiat.net





حامد بدري غير متواجد حالياً

افتراضي

اقتباس: المشاركة الأصلية كتبت بواسطة sulara [ مشاهدة المشاركة ]
ود الفتلي
سباح ماهر، لأنه يسكن جنب البحر، يقطع البحر حتى وقت الدميره، يصطاد الشجر الذي يقتلعه النيل الأزرق ساعة الفيضان من على ضفتيه – ربما شجر إثيوبيا- ويجرفه في تياره القوي عند سقوط الأمطار في الهضبة الحبشية في يوليو وأغسطس، ويبيع ود الفتلي هذا الشجر حطباً ليشتري به البنزين.

ابتلى الله ود الفتلي باستنشاق البنزين عبر القطن، اشتهر بذلك في ود مدني، يحمل دائما زجاجة البنزين في جيب جلابيته.. صادف إدمانه ذلك أول أزمة بنزين في السودان في العام 1978م أيام حكم النميري ، وكان ود الفتلي إذا لم يجد البنزين يجلس مستكيناً (ومضبلن) في وسط شارع الزلط، فإذا مر عليه إنسان وسأله لماذا يجلس هكذا وسط الزلط؛ يجيب بأنه (قاطع بنزين)، وحتى لا يموت من قطعة البنزين تلك، أو يعيق حركة المرور، فقد يتبرع له سائق سيارة بشمة بنزين، وحالما يصل البنزين لرئتيه يبدأ بتقليد صوت تدوير موتور السيارة (رررررن، ررررررن، تيت ، تيت) ثم تدب الحركة فيه وينطلق عبر الزلط.. وحسماً لأمر هذه (القطعة التي يمكن ان تؤدي بحياته) فقد صدًق له المحافظ بحصة من البنزين أسوة بالمركبات..

من نوادره ايضا، كان إذا أعطيته قرشاً أكل امامك ضفدعه حية .. وكله يهون في سبيل البنزين..

بقلم / عمر حسن غلام الله

مشكورة اختنا سولارا على البوست الجميل ودالفتلي شوف عيني بنط من كوبري حنتوب جوه البحر كان سباح لو ما بلد الضياع ديك لو لقا ليو قرين كارد كان الليلة يكون رقم عالمي كبير في السباحه بالرغم من تلوث رئتيه بالبنزين ومرات السليسون واذكر مرة البحر حدو مكتب حاكم الاقليم الاوسط وبي هناك جناين ناس شقدي واحد اتبرع ليو بي سفنجه جديده واداهو زمن محدد وبشرط يجيب قطعه جوافه من بهناك ويجينا غمضنا عيونا وفتحنام وزولنا جمبلوغ جوه الموية جاب الجوافة ولبس السفنجه الجديدة وسمعتا انو نطا من كوبري كوستى القديم او الجديد واتوفا مامتاكد ولو اتوفى رحمت الله عليو





كلنا كالقمر له وجه مظلم

 
رد مع اقتباس
قديم 06-08-2011, 10:52 AM   #21
حامد بدري
عضو






للتحدث مع الإدارة sudanyiat.net





حامد بدري غير متواجد حالياً

افتراضي

اقتباس: المشاركة الأصلية كتبت بواسطة عباس الشريف [ مشاهدة المشاركة ]
الدباغه سميت بهذا الاسم لارتباطها بدباغة الجلود تعتبر من احياء مدني الكبيره ذات كثافة سكانيه عاليه غير القبائل العربيه والافريقيه التي تسكنه هنالك شريحه كبري من قبائل الهوسا والفلاتة وبرنو شكلو بعاداتهم طابع خاص للحي وهم مولعون بتجارة الفول السوداني ، حياكة الثياب والخياطة تتطورت بهم حاليا الحياة بايقاعها السريع اندمجو في المجتمع تغيرت المهن نجدهم حاليا في الدواوين الحكوميه ولهم اسهام في فتح خلاوي لتدريس القران كانت هنالك خلوة المورده بجامع الجيلي الحسن صلاح بالقرب علي ضفاف النيل تعتمد في ايرادها علي التسيير قرش يوم الاربعاء الذي يعتبر يوم عيد اسبوعي فيه بليلة الاربعاء كل طالب يساهم بكوره من الذره او القمح او اللوبيا الجميع في تسامح وتعايش رغم ان هنالك بعض القبائل المسيحيه من جنوب السودان والنوبه الذين كانوا يعملون في البلدية بمهنة تعتبر حكر عليهم وكانت تشكل ظاهره في تلك الفترة قبيحه هي سيارات ((الالتا)) فضلات الانسان يتم حملها بجرادل كبيره اذ يندر وجود سايفونات او مجاري في تلك الفترة عندما تحضر سيارة الالتا كنا بشقاوة الاطفال نعاكس العاملين عليها مما تعرضنا لعقاب بالجلد من كبار الحي مرات عديده كانت معاكساتنا بالصياح ((عيفونا)) من ملاحظات التعايش السلمي للقبائل كانت هنالك خلوه لا تبعد سوي عدة مترات عن بيت صناعة الخمور وهي في الجزء الشمالي الفاصل بين فريق فلاته وحي زورو كانت لنا صداقات طفوله نمت من خلال الدراسه بالخلوة او المدارس الابتدائيه بابناء الحي رغم تحزيرات الاسره بعدم الذهاب الي بيوت الخمور لم تقف حائل بين امتداد اواصر الصداقه فكنا نذهب للزياره او الترتيب للعب الدافوري عند زيارتنا يتم تقديم واجب الضيافه لنا بعبار مريسه ..... في فترة الديمقراطيه بعد نميري تحضرني طرفه ان الاب الراحل فليب عباس غبوش كان في ندوه سياسيه خاصه بابناء النوبه هو شخصيه ظريفه وللكسب الانتخابي كان يتحدث معهم للتوحد تحت رايته والتصويت له لكي ينتشلهم من التهميش مستدلا بان اعمالهم هامشيه في المجتمع يعملون بعربات البلديه (( الالتا)) ولقد امتد الحال لهم في جميع المهن حتي في كرة القدم لا يحظون بوظائف مهمة وقال لهم حامد بريمه بوقفوا قون للفريق القومي ليه احنا ما سودانيين

ود الشريف عباس معقولة تجيب لينا ناس البنقو والفتريتة وراس الشيطان وتنسى عمنا ابوالقاسم بتاع الليمون والشعير والحليب من شطرو لى نارو وبعداك التلاجه بارد وسمح تجيب ليك كيلو باسطه من الشيماء ولا الشانزيليزيه وتقرطع تزعمط باسطتك وابوالقاسم الرجل النزيه حليبو مابزيد ليو موية يمين الله بعد تخلص قزازتك وتختها مابتعرف الفاضية من الملانه ماشاء الله ناس مدني ناسن عشرتم تتمنا وعلينا جاي اقرب ياعناب ويانحل ومشكورة راعية البوست سولارا مدني





كلنا كالقمر له وجه مظلم

 
رد مع اقتباس
قديم 06-08-2011, 11:00 AM   #22
حامد بدري
عضو






للتحدث مع الإدارة sudanyiat.net





حامد بدري غير متواجد حالياً

افتراضي

قاعد انا ومحكر فى البوست ده وياعباس امشي بي نمره ستة وخفف السرعه ولمن تجي جنب الفكي صيني هدي شوية نزلنا فى جناين حنتوب ومرزوق نشم هواء النيل الاصيل ونسمع متولي فى مدني يااخواني لي محبوب جفاني وغيرك عيشتي مرة ولاهي مرة مرارت العتي





كلنا كالقمر له وجه مظلم

 
رد مع اقتباس
قديم 06-08-2011, 01:42 PM   #23
مجيدو
عضو
 
الصورة الرمزية مجيدو






للتحدث مع الإدارة sudanyiat.net





مجيدو غير متواجد حالياً

افتراضي

سلام للجميع

لمن لقيت الموضوع عن مدني قلت حرم الا اشارك لانو لي ذكريات جميلة في مدني :

في اوائل الثمانينات زرت مدني وقضيت فيها شهر العسل في الفندق الكبير ذو الطلاء الابيض الجميل وهو يطل على النيل -
وكان هذا الفندق خاص للعرسان فقط -
يعني العزابة ممنوع دخولهم
( علما بأنني كنت حاجز في فندق القرين فيلتش بالخرطوم
( وكان وقتها جديد وموضة للعرسان)
الا انني فضلت الذهاب الى مدني حيث الطبيعة الساحرة )
كما اذكر حديقة ام بارونة الرائعة اذا كان الاسم صحيحاً
( أشجع السياحة داخل ربوع بلادي )
وفعلا مدني كانت مدينة جميلة وساحرة وبها هدوء غريب – وناسها في قمة الكرم والشهامة .
اخر زيارة لي فيها كان عام 1998 وأنا اعبرها قادماً من بورسودان بالسياره
وشعرت بانها ليست مدني الزمان –
سبحان الله تغيرت كثيرا –
والمفروض يكون التغيير دائما للاحسن لكن للاسف
( الباميه بقت ما ياهاااا )

والله المستعان ,,,

تحياتي ,,,



 
رد مع اقتباس
قديم 06-08-2011, 08:03 PM   #24
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

اقتباس: المشاركة الأصلية كتبت بواسطة حامد بدري [ مشاهدة المشاركة ]
ود الشريف عباس معقولة تجيب لينا ناس البنقو والفتريتة وراس الشيطان وتنسى عمنا ابوالقاسم بتاع الليمون والشعير والحليب من شطرو لى نارو وبعداك التلاجه بارد وسمح تجيب ليك كيلو باسطه من الشيماء ولا الشانزيليزيه وتقرطع تزعمط باسطتك وابوالقاسم الرجل النزيه حليبو مابزيد ليو موية يمين الله بعد تخلص قزازتك وتختها مابتعرف الفاضية من الملانه ماشاء الله ناس مدني ناسن عشرتم تتمنا وعلينا جاي اقرب ياعناب ويانحل ومشكورة راعية البوست سولارا مدني







 
رد مع اقتباس
قديم 06-08-2011, 08:07 PM   #25
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

اقتباس: المشاركة الأصلية كتبت بواسطة amin bushari [ مشاهدة المشاركة ]
ســـولارا كيفك

العنصـــرية ظهرت اهــي
بهزر طبعا ومــدني بالمناسبة ملك لكل الشعب الســوداني
وهي أفضل مدينة تمثل التعايش بين مكونات الشعب السوداني
وطبعا مدني حاضرة الجزيرة .. والجزيرة دي لامه كل السودان
يعني حنك كدا لينا فيها زي ما ليكم
احمل بعض الذكريات الجميلة لمدينة ود مــدني

تحاياي

واللهى يا امين نحن مشهورين بالعنصرية
لكن نسوى شنو. دا من حبنا لمدينتنا

وتسلم يا سيد الكل




التعديل الأخير تم بواسطة sulara ; 06-08-2011 الساعة 08:09 PM. سبب آخر: نسيت حرف
 
رد مع اقتباس
قديم 06-08-2011, 08:44 PM   #26
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

اقتباس: المشاركة الأصلية كتبت بواسطة عباس الشريف [ مشاهدة المشاركة ]
نهمس بكلمات ذكري الزمن الجميل .... نرتوي حلما يطوف بخيالنا نلملم شتات خيوط الايام التي عشنا اصفي لياليها نسترق السمع بالماضي الجميل تحت الصمت وشقشقة العصافير يتردد صداها بشفافية احاسيس ونشوة تلك الفترة نسبح في خيالات تلك اللحظات الجميلة والتي انقضت كالثواني عشناها بامتاع نحتسي وننتشي من ربيعها... ليالي مضيئة بنجومها انارت لنا عتمة الليل التي اصبحت هي العصا التي نتوكأ عليها ودليلنا لايام مضت نهوي ذكراها بين الحين والحين وتشتعل نيران الحريق في دواخلنا عندما نحس بانها مضت... لنعيد تلك اللحظات الجميلة بنبش مراقد الزكريات .... نلمسها .... نتحسسها .... لنعيد تلك الذكريات لتكون باعث للامل لاستمرارنا في الحياة وذوادة طريق لا ينبض معينها نحملها في الدواخل بشجن وفرحه لا تتلاشي بطي الزمان تلك المدينة الشامخه بعبقها وتراثها الاصيل مدني.







 
رد مع اقتباس
قديم 06-08-2011, 10:33 PM   #27
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

Icon19

آدم المشاي

كان الأطفال ينادونه كلما مر من أمامهم (آدم المشاي بسكويت بالشاي)، ربما سمي بالمشاي لأنه لم يُر أبدا راكباً ،
كنا نراه - ونحن في طريقنا من مدرسة السكة حديد الابتدائية إلى حي 114 (أواسط الستينات) ماشيا من جهةالدرجة
في طريقه الى السوق الصغير (فيما بعد السوق الجديد)، وهو يحمل فأساً على كتفه.. نناديه: عم آدم فاسك
وقع.. فيمد يده ليلمس فأسه، ثم نقول له راسك وقع، فيلمس رأسه كذلك ليتأكد انه لم يقع، وهكذا يعددون له أعضاء
جسمه واحد واحد لغاية ما يصلوا لـ سروالك وقع (وهو المطلوب من البداية)، فيمد يده ليلمسه.. (يمكن وقع؟)

بقلم / عمر حسن غلام الله



 
رد مع اقتباس
قديم 06-09-2011, 12:35 AM   #28
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي

يا ناس الكورة القدام وكبار بتعرفوا الناس ديل



لاعبي نادي الاهلي مدني فترة الخمسينات









لاعبي نادي الاهلي مدني فترة الثمانينات



 
رد مع اقتباس
قديم 06-09-2011, 12:46 AM   #29
sulara
عضو
 
الصورة الرمزية sulara







للتحدث مع الإدارة sudanyiat.net





sulara غير متواجد حالياً

افتراضي





الفريق القومي السوداني - يبدو لاعبي ودمدني سامي عزالدين ، مرتضى قله ، حمد دفع الله و الديبه .. زمن حمد والديبه حاجه عجيبه




التعديل الأخير تم بواسطة sulara ; 06-09-2011 الساعة 12:49 AM.
 
رد مع اقتباس
قديم 06-09-2011, 09:22 AM   #30
حامد بدري
عضو






للتحدث مع الإدارة sudanyiat.net





حامد بدري غير متواجد حالياً

افتراضي

صباحاتو بيض وخدر عليكم
واصلي اختنا وكل ما نلقا لينا حكوة نجيكم نكبها فى البوست مرة حكيت لابن خالتي عن دورة المرحوم عثمان ابو ليلى وكمية اللاعبين الافذاذ البشاركو فيها طبعا الدورة بالمناطق وكانت نار منقد لانو الولاء للفريق بتاع الحي نسبة لارتباطنا الشديد كان قوي جدا
وفي مباراة مشهورة بين ابناء دردق معليش نسيت الفريق التاني صوب اسامة جني (عندو طرفة نحكيها فى الاخر )اللاعب الفارع الطول باك يمين فريق النهضة كرة مشت ضربت صينية التسالي وشتت حلاوة قصب والسفوفة وعملت خسائر فادحه للمسكينة الماعرفت تعمل شنو فى باقي يومها التعيس ده ولكن كان خير كتير عليها من حيث لاتحتسب اجتمع القوم وجمعوا لها حصيلة ماتحصل عليه فى الدورة كلها والدورات السابقة كمان وده ماغريب على ابناء مدني وواحد من اسباب ترابطنا الشديد وحبنا ليها الجارف حلوة الجارف دي من الجامعه مااستخدمتها اذكر وانا ابن القسم الثاني الجنوبي وابي عامل بسيط يعمل مزارع فى حديقة منزل مدير الكهرباء راجل الخواجية الطيبة اللطيفة ام اولت السودان ساره بت المرحوم حميدة سعيد نسكن جيران سر تجار المدينة المرحوم محمد احمد الخواض الرجل المتواضع وتربطنا علائق قوية بابنائه لم يفرق بيننا المال عادي معمر بجي للحجة يدوس معانا الميلوحه فى البيت ولا بعافا ولابقول مالا ريحتا كده والعكس نضرب عندهم المطايب ومابنتعقد او نخجل من نفسنا وفى بكياتنا وافراحنا نفس الشئ
نرجع لى اسامة جني طبعا مشهور لاهل دردق وكان حاتل اربعة وعشرين ساعة قدام الصيدلية خالف رجلو بى تشنيطتو السمحه وفي زمن الرسائل والظروف والجوابات كان بوصفوهو ناس السعودية والامارات والمانيا كمان تمشي تلقا اسامة جني واقف اديو الحاجات والجوابات وقليو اديهم للحجة او الاخوان
متابعين البوست الظريف ده وسهرتنا ممتده لا طوارئ ولابوليس نجده للصباح





كلنا كالقمر له وجه مظلم

 
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:24 AM


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir
كل الحقوق محفوظة لشبكة ســـودانيات الإعلامية

().